Haxhiu mbërrin në Kuvend; nuk u përgjigj kur u pyet nëse do të propozohet sërish për kryetare

Albulena Haxhiu, kryetare në detyrë e Kuvendit dhe ushtruese e detyrës së presidentes, ka mbërritur në Kuvendin e Kosovës para seancës konstituive për Legjislaturën e XI-të. Kur gazetarët e pyetën nëse do të propozohet sërish për kryetare të Kuvendit, ajo nuk pranoi të përgjigjej.

Ministrja në detyrë e Mjedisit dhe Planifikimit Hapësinor, Fitore Pacolli, mbërriti gjithashtu në Kuvend për seancën konstituive. E pyetur nëse Haxhiu do të propozohet nga Lëvizja Vetëvendosje për kryetare, Pacolli iu përgjigj shkurt: “Të shohim”.

Seanca konstituive pritet të nisë në ora 10:00, ku do të konfirmohet mandati i ri i Kuvendit për legjislaturën e ardhshme. Në pritje të procedurave, negociatat ndërmjet partive për pozicionet kryesore mbeten pjesë e fokusit politik dhe pritet që diskursi të vazhdojë.

Kryetari i LDK-së, Lumir Abdixhiku, tha para nisjes së seancës se Kuvendi duhet të konstituohet sot dhe se diskutimet me Lëvizjen Vetëvendosje do të vazhdojnë, duke shtuar se “ka afrime në shumë çështje, megjithatë ende ka dallime për çështjen e balancës demokratike.” Kryetari i PDK-së, Bedri Hamza, deklaroi se deri tani askush nuk ka kërkuar mbështetjen e PDK-së për kandidatura të veçanta.