Nissan Qashqai e-Power hyn në Librin Guinness pas 1.980 km me një rezervuar

Nissan Qashqai e-Power ka hyrë në Librin Guinness të Rekordeve, pasi versioni i përmirësuar me gjeneratën më të fundit të sistemit e-Power arriti të përshkojë saktësisht 1.980 kilometra me një rezervuar karburanti.

Udhëtimi u zhvillua në Kolumbi, nga 14 deri më 17 korrik 2026, në itinerarin nga Bogotá deri në bregdetin e Karaibeve, duke përfshirë kushte të ndryshme të drejtimit.

Për njohjen zyrtare nga Guinness, gjatë gjithë udhëtimit drejtuesit u shoqëruan nga një ekspert i pavarur. Megjithatë, Nissan nuk ka bërë publike detaje të tjera për rrugën e ndjekur.

Konsumi zyrtar i modelit Qashqai e-Power është 4.3 litra për 100 kilometra. Në këtë kategori specifike, Qashqai nuk kishte deri më tani asnjë rival të njohur zyrtarisht dhe, rrjedhimisht, asnjë rekordmen të mëparshëm.