Mediat irlandeze pranojnë: Kosova ishte dukshëm më e mirë në Prishtinë

Fitorja e Kosovës ndaj Irlandës në Prishtinë ka marrë menjëherë vëmendjen e mediave të mëdha irlandeze, të cilat e kanë vlerësuar paraqitjen e “Dardanëve” përkundër rezultatit minimal 1-0.

Sipas përshkrimeve të publikuara pas ndeshjes, Kosova ishte dukshëm më e mirë se Irlanda dhe krijoi përshtypjen e një ekipi që mund të kishte fituar me diferencë më të madhe. Megjithatë, në tabelë mbeti vetëm fitorja me një gol.

Reagimi i mediave irlandeze u përmblodh edhe në frazën: “Jemi më fat që shpëtuam me një gol”. Kjo pasqyron vlerësimin e tyre se paraqitja e Kosovës në Prishtinë ishte më bindëse sesa tregon rezultati përfundimtar.