Moti në Kosovë ndryshon të premten, temperaturat shkojnë deri në 26 gradë

Kosova pritet të ketë mot kryesisht të qëndrueshëm gjatë periudhës 5 deri më 9 tetor 2026, me intervale të gjata me diell dhe vranësira të shpërndara. Temperaturat gjatë ditës do të jenë relativisht të larta për këtë periudhë dhe mund të arrijnë deri në 26 gradë.

Përkundër ngrohtësisë gjatë ditës, orët e mëngjesit pritet të jenë të ftohta. Në disa zona temperaturat mund të zbresin në vlera negative, çka sjell dallim të madh mes mëngjeseve dhe pjesës së ditës.

Të premten parashihet ndryshim gradual i motit, me shtim të vranësirave dhe mundësi për riga shiu gjatë ditës. Deri atëherë, moti pritet të mbetet kryesisht i qëndrueshëm në Kosovë.