Vazir arrin fitoren e nëntë radhazi në garat e shpejtësisë

Kali Vazir ka shënuar fitoren e nëntë radhazi në garat e shpejtësisë, duke vazhduar serinë e rezultateve të suksesshme për Klubin e Kalërimit “Opoja” nga Bresana.

Fitorja e radhës u arrit në një garë të zhvilluar në Fier të Shqipërisë. Vazir, së bashku me kalorësin Rinor Rexhepi, doli triumfues duke lënë pas konkurrentët në garën e shpejtësisë.

Me këtë rezultat, Vazir konfirmoi formën e mirë në këtë disiplinë dhe vazhdoi paraqitjet e suksesshme të klubit nga Opoja. Nëntë fitore radhazi përbëjnë serinë e triumfeve të kalit garues në garat e shpejtësisë.