Kurti: MD-ja dhe MPB-ja kanë edhe 54 orë për raportin

Kryeministri i Kosovës, Albin Kurti, ka bërë të ditur se Ministria e Drejtësisë dhe Ministria e Punëve të Brendshme kanë edhe 54 orë për ta dorëzuar raportin për rastin e vrasjes së Arlinda Zekajt.

Sipas Kurtit, raporti duhet të sqarojë dështimet e mundshme në secilën hallkë të zinxhirit institucional. Afati i vendosur lidhet me shqyrtimin e veprimeve të institucioneve në këtë rast.

Kurti paralajmëroi se do të ketë masa në përputhje me ligjin dhe rregulloret. Ai nuk bëri të ditur se cilat do të jenë këto masa, duke e lidhur vendimmarrjen me përmbajtjen e raportit që pritet të dorëzohet.