Marrëveshja për pagën minimale drejt fundit të grevës në shkollat e Prishtinës

Greva e punëtorëve teknikë në shkollat e Prishtinës është drejt përfundimit pas marrëveshjes së arritur mes Komunës së Prishtinës dhe sindikatës për pagesat që lidhen me zbatimin e pagës minimale.

Marrëveshja pritet t’i japë fund grevës dhe të mundësojë rikthimin e funksionimit të rregullt të shkollave gjatë javës së ardhshme. Për këtë zhvillim ka bërë të ditur drejtori i Arsimit në Prishtinë, Arianit Elshani.

Sipas Elshanit, marrëveshja përcakton pagesat që duhet t’u bëhen punëtorëve teknikë në kuadër të zbatimit të pagës minimale. Përfundimi i grevës pritet të ndodhë pas arritjes së kësaj marrëveshjeje.