Arben Mustafa akuzon Kurtin se po mban peng institucionet e Kosovës

Deputeti i Partisë Demokratike të Kosovës, Arben Mustafa, ka akuzuar kryeministrin në detyrë, Albin Kurti, se po mban peng institucionet e Kosovës duke mos e konstituuar Kuvendin.

Mustafa e bëri këtë deklaratë gjatë një konference për media në hollin e Kuvendit. Ai tha se një situatë e tillë nuk duhet të lejohet dhe se institucionet duhet të funksionojnë normalisht.

“Albin Kurti ka marrë peng Kosovën dhe ka marrë peng institucionet e Kosovës”, deklaroi Mustafa, duke kërkuar kthimin në Kuvend dhe konstituimin e tij.

Sipas tij, përfaqësues të PDK-së po zhvillojnë çdo ditë aktivitete paqësore para ndërtesës së Qeverisë për ta përcjellë këtë mesazh. Mustafa tha se kjo situatë nuk mund të vazhdojë pafundësisht.