Avioni drejt Moskës kthehet në Beograd, dyshohet se Vulin ishte në bord

Një avion i Air Serbia-s, i nisur nga Beogradi drejt Moskës, është detyruar të kthehet papritur në aeroportin “Nikola Tesla”, ndërsa në mesin e pasagjerëve dyshohet se ndodhej edhe politikani Aleksandar Vulin.

Fluturimi është ndërprerë të martën në mbrëmje, por rrethanat që çuan në kthimin e avionit ende nuk janë sqaruar zyrtarisht. Ngjarja ka nxitur reagime dhe spekulime në Serbi.

Përveç Vulin, në bord dyshohet se ishin edhe drejtori i kompanisë “Srbijagas”, Dušan Bajatović, dhe politikani Nenad Popović. Të tre përmenden si pasagjerë të mundshëm të fluturimit drejt Moskës.

Raportimet për këtë ngjarje kanë ngritur edhe dyshimin se Vulin mund të ketë tentuar të largohej drejt Moskës, por ky pretendim mbetet pjesë e raportimeve për fluturimin e kthyer në Beograd.