Dërguesit e Trump mbërrijnë në Kajro për të shtyrë përpara planin e paqes për Gaza

Dërguesit e presidentit Donald Trump janë mbërritur në Kajro për t’u takuar me ndërmjetësues egjiptianë, katarianë dhe turq, në një përpjekje për të shtyrë përpara planin e paqes për Gaza. Zhvillimi vjen ndërsa sulmet ajrore izraelite në enklavë vazhdojnë, çka mban të lartë tensionin për çdo negociatë.

Plani i paqes i Trump kërkon ndërprerjen e menjëhershme të operacioneve ushtarake në Gaza. Ai parashikon çarmatosjen e Hamasit, tërheqjen e trupave izraelite dhe rindërtimin e zonave të prekura nën një administratë civile palestineze.

Takimet në Kajro synojnë të bashkojnë ndërmjetësit për të avancuar zbatimin e këtij plani, ndërsa ushtria izraelite raportoi të dielën se avionët e saj shënjestruan një militant në Khan Younis. Sipas të njëjtave njoftime, të paktën pesë palestinezë u plagosën në një sulm që goditi një kamp me tenda.