Dikur kërkonte dorëheqje për Deharin, sot thirrjet drejtohen ndaj Gërvallës

Donika Gërvalla po përballet me thirrje për dorëheqje pas vrasjes së Arlinda Zekajt në Pejë, rreth dhjetë vjet pasi kishte kërkuar përgjegjësi politike dhe morale nga zyrtarët pas vdekjes së Astrit Deharit.

Gërvalla kishte kërkuar atëherë përgjegjësi nga ministrat e kohës për vdekjen e Deharit në burgun e Prizrenit. Sipas qëndrimit të saj të atëhershëm, përgjegjësia politike dhe morale duhej të ishte pjesë e standardeve të elitës politike.

Sot, pas rastit të vrasjes së Arlinda Zekajt në Pejë, të njëjtat thirrje për dorëheqje po drejtohen ndaj Gërvallës. Krahasimi mes qëndrimit të saj të dikurshëm dhe kërkesave të tanishme është bërë pjesë e debatit politik pas ngjarjes.