Haziri: LDK-ja mbetet e hapur për dialog, vendos nesër për seancën

Lutfi Haziri, nënkryetari i LDK-së, tha se partia mbetet e hapur për dialog me Lëvizjen Vetëvendosje dhe se do të vendosë nesër nëse do të marrë pjesë në seancën e thirrur për të shtunën.

Ai u shpreh për media pak para mesnatës së 7 gushtit dhe doli në konferencë për media së bashku me disa deputetë të LDK-së.

Haziri bëri të ditur se LDK-ja ka kërkuar që seanca të vazhdojë deri në mesnatë, me qëllim që të respektohen afatet dhe fryma kushtetuese.

Ai theksoi se deputetët kanë përgjegjësi për të mbrojtur institucionet dhe interesin e qytetarëve, duke shtuar se LDK-ja e sheh veten si “gardiane të Republikës”.

Për këtë rast, Haziri tha se kërkesa e LDK-së për të propozuar kandidatin për president lidhet me balancimin e pushtetit mes partnerëve qeverisës dhe jo me postin e kryeministrit, dhe në fund mohoi raportimet se emri i tij po diskutohet si kandidat për president.