Llogaria me shkrim cirilik publikon kërcënim ndaj Ramush Haradinajt

Një llogari e dyshimtë në rrjete sociale ka publikuar një koment me përmbajtje kërcënuese në profilin zyrtar të ish-kryetarit të Aleancës për Ardhmërinë e Kosovës, Ramush Haradinajt.

Profili me emrin “Goran Gogo Frkz”, i shkruar me alfabet cirilik, ka publikuar një mesazh me gjuhë fyese dhe kërcënuese ndaj Haradinajt dhe familjes së tij. Përmbajtja e komentit përfshin edhe kërcënime seksuale ndaj grave të familjes së tij.

Mesazhi është publikuar nga një profil në rrjetet sociale, ndërsa në të dhënat e disponueshme nuk ka informacione të tjera të verifikuara për personin ose grupin që qëndron pas llogarisë.