Kreu i Prizrenit paralajmëron protesta: VV po shkatërron komunat

Kreu i Prizrenit, Shaqir Totaj, ka paralajmëruar se kryetarët e komunave do të dalin në protesta, duke akuzuar qeverisjen e Lëvizjes Vetëvendosje se po “shkatërron” komunat përmes marrjes së kompetencave dhe dobësimit të nivelit lokal.

Totaj ka listuar disa vendime që, sipas tij, do t’i dëmtojnë komunat: shkurtimi i grantit të performancës, marrja e kompetencës për rekrutimin e stafit dhe çështjet rreth pronave komunale.

Ai tha se protestat janë organizuar nga kryetarët e komunave për t’u kundërshtuar ndaj qasjes së nivelit qendror ndaj atij lokal dhe për të kërkuar që kompetencat të mbeten në duart e autoriteteve komunale.

Totaj i akuzoi për paaftësi ata në pushtet dhe tha se vendimet e nivelit qendror po shkaktojnë pasoja për shërbimet komunale; sipas tij, “Këta njerëz përveç që nuk janë profesionalë, këta nuk janë as të vetëdijshëm për pasojat që po i përjetojnë komunat”. Ai paralajmëroi protesta si mjet kundërshtimi.