Kurti çel punimet për Parkun Industrial në Podujevë, s’përgjigjet për bllokadën politike

Kryeministri në detyrë Albin Kurti çeli punimet për Parkun Industrial në Livadicë të Podujevës dhe përshëndeti vendosjen e gurëthemelit, duke uruar: “Urime të gjithëve”.

I pyetur nga gazetarët për zhvillimet e fundit politike, Kurti nuk pranoi t’u përgjigjej dhe tha se do të fliste vetëm për projektin dhe për zbatimin e tij.

Ai përmendi hollësi të punimeve: 30 hektarë sipërfaqe, një rrugë 4.6 kilometra, qendra e kompetencës në anën tjetër dhe afati prej rreth 350 ditësh punë, duke thënë se “parku industrial në Livadicë po mbyllet”.