E trishtë: punëtori i KEK, Arbenit Ahmeti, humb jetën pas kontaktit me tension elektrik

E trishtë: Sindikata e Re e Korporatës Energjetike të Kosovës bëri të ditur se punëtori Arbenit Ahmeti humbi jetën sot pasi ra në kontakt me tensionin elektrik gjatë kryerjes së detyrave të punës në KEK.

Përmes një reagimi në Facebook, Sindikata publikoi fotografinë e Ahmetit dhe njoftoi lajmin me dhimbje të thellë; në reagim thuhet se “Arbeniti u nda nga jeta në krye të detyrës.”

Sindikata i shprehu ngushëllimet familjes, të afërmve, miqve dhe kolegëve, duke vlerësuar se humbja e një punëtori në vendin e punës është dhimbje e madhe për komunitetin e KEK-ut.