Bajrami kërkon hetim për tre vdekje në KEK brenda dy muajsh

Hykmete Bajrami ka kërkuar hetim menjëherë pas vdekjes së tre punëtorëve të Korporatës Energjetike të Kosovës brenda pak muajsh; ajo ka bërë thirrjen në një postim në Facebook duke theksuar nevojën për sqarim të rrethanave.

Ajo shprehu ngushëllimet e sinqerta për familjarët, duke vënë në dukje se tri familjeve u ka ndryshuar jeta përgjithmonë pas këtyre humbjeve.

Bajrami i ka kërkuar organeve përgjegjëse që rastet të hetohen seriozisht dhe, siç shkroi ajo, “nëse ka pasur neglizhencë apo shkelje të rregullave të sigurisë, të ketë përgjegjësi për secilin”.

Deputetja gjithashtu u bëri thirrje KEK-ut dhe çdo kompanie tjetër, publike e private, që të rrisin masat për sigurinë dhe kushtet e punës për të parandaluar raste të ngjashme.

Ajo kërkoi po ashtu që Inspektorati Qendror i Punës të forcojë mbikëqyrjen për vendet e punës ku dyshohet se ekzistojnë rreziqe për punonjësit.