Pacolli urdhëroi mbylljen e restorantit në Radoniq; vendimi zyrtar të hënën

Fitore Pacolli urdhëroi mbylljen e restorantit “Liqeni i Dukagjinit” pranë Liqenit të Radoniqit; vendimi zyrtar i Ministrisë pritet t’i dorëzohet biznesit të hënën.

Zëvendësministri i Mjedisit dhe Planifikimit Hapësinor, Avni Zogiani, reagoi lidhur me pretendimet se pronari i restorantit nuk ishte njoftuar për mbylljen e aktivitetit.

Zogiani bëri të ditur se Inspektorati i Ministrisë ka përgatitur procesverbalin për mbylljen e aktivitetit, i cili fillimisht iu dorëzua KRU “Gjakova” si pronare legjitime e pronës; më pas KRU-ja ia përcjellë operatorit të restorantit.

Sipas Zogianit, vendimi zyrtar i Ministrisë pritet t’i dorëzohet biznesit gjatë ditës së hënë, ndërsa çështjet për njoftimin dhe mënyrën e dorëzimit mbeten pika kyçe të diskutimit.