Qytetari dorëzon portofolin në Shtime; policia i kthen 150 CHF dhe 105 € pronarit

Më 04.08.2026, në stacionin policor të Shtimes paraqitet qytetari A. Hysenaj (26 vjeç) nga fshati Petrovë, i cili dorëzon një portofol të gjetur në territorin e Shtimes. Pas veprimeve të ndërmarra nga stafi policor për verifikimin e dokumenteve dhe të dhënave, portofoli u mor për procedura të mëtejshme nga policia.

Policia njofton se pas verifikimeve është identifikuar pronari i portofolit si A.G. (69 vjeç) nga Shtimja. Në prani të zyrtarëve policorë, atij i janë kthyer dokumentet personale dhe paratë e gjetura, në vlerë prej 150 frangash zvicerane dhe 105 euro.

Drejtoria Rajonale e Policisë në Ferizaj vlerëson lart veprimin e qytetarit A. Hysenaj për dorëzimin e sendeve të gjetura dhe për bashkëpunimin me organet policore gjatë verifikimeve.