Besiktasi shpërthen pas humbjes, Fidan Aliti në qendër të polemikave

Besiktasi ka reaguar ashpër pas humbjes 1:0 ndaj Alanyasporit, në ndeshjen e vlefshme për xhiron e dytë të Superligës së Turqisë. Klubi nga Stambolli ka kontestuar disa vendime të gjyqtarëve pas përfundimit të takimit.

Në shënjestër të reagimit të Besiktasit është gjyqtari Adnan Deniz Kayatepe. Klubi ka shprehur pakënaqësi për mënyrën e gjykimit në ndeshjen që përfundoi me fitoren minimale të Alanyasporit.

Polemikat kanë përfshirë edhe Fidan Alitin, mbrojtësin e Kosovës dhe kapitenin e Alanyasporit. Emri i tij është vënë në qendër të debatit të hapur nga Besiktasi pas humbjes, duke e bërë ndeshjen edhe më të diskutuar në kampionatin turk.