Motra e Jetlirës reagon pas ngjarjes: të mos përhapen versione të pakonfirmuara

Familjarët e Jetlira Foniqit kanë reaguar pas ngjarjes së rëndë ku ajo humbi jetën, duke kërkuar që rasti të trajtohet me seriozitet dhe duke bërë thirrje për të mos publikuar versione të pakonfirmuara për motivin.

Në një deklaratë të publikuar në rrjete sociale, motra e Jetlirës ka thënë se familja po përballet me një situatë jashtëzakonisht të dhimbshme. Ajo është shprehur e shqetësuar për shkrimet ku përmenden pretendime për xhelozi apo tradhti si arsye të mundshme të ngjarjes.

Motra ka deklaruar gjithashtu se i dyshuari kishte qenë në një spital psikiatrik, duke e bërë këtë pjesë të reagimit të saj për rastin. Familja ka kërkuar që të shmangen përhapja dhe publikimi i versioneve që nuk janë konfirmuar.