Hoxhaj e quan moskonstituimin e Kuvendit “puç kushtetues”

Deputeti i Partisë Demokratike të Kosovës, Enver Hoxhaj, e ka cilësuar moskonstituimin e Kuvendit të Kosovës si “puç kushtetues”. Deklaratën ai e bëri në sallën e Kuvendit, në një kohë kur procesi i konstituimit mbetet në qendër të përplasjes politike.

“Ka vetëm një emër: puç kushtetues”, ka thënë Hoxhaj. Sipas tij, që nga 7 dhe 8 gushti janë rrënuar themelet e shtetit, duke ngritur shqetësime për situatën institucionale.

Hoxhaj u ka bërë thirrje qytetarëve t’i bashkohen protestës së organizuar nga komunat, si dhe marshit për drejtësi të planifikuar për 12 shtator.