Tajfuni Dujuan lë shtatë të vdekur dhe gjashtë të zhdukur në Japoni

Të paktën shtatë persona kanë humbur jetën dhe gjashtë të tjerë rezultojnë të zhdukur pranë Tokios, pas kalimit të tajfunit Dujuan në Japoni. Bilanci i rëndë e bën këtë një nga pasojat kryesore të stuhisë në zonën përreth kryeqytetit japonez.

Pesë viktima janë regjistruar në prefekturën Chiba, në lindje të Tokios, ndërsa dy të tjerë kanë humbur jetën në prefekturën Kanagawa, në jugperëndim të kryeqytetit.

Përveç viktimave dhe personave të zhdukur, tajfuni ka shkaktuar edhe ndërprerje të energjisë elektrike. Në Chiba, rreth 58 mijë familje kanë mbetur pa energji pas kalimit të Duajuanit.