Ilir Shaqiri publikon këngën “Jo në emrin tim” për çlirimtarët

Ilir Shaqiri ka publikuar tekstin e këngës së re “Jo në emrin tim”, një projekt i realizuar në bashkëpunim me djalin e tij, Korab Shaqirin. Kënga i kushtohet luftës, çlirimtarëve dhe Kosovës.

Vargjet e publikuara shprehin përkrahjen e këngëtarit për Ushtrinë Çlirimtare të Kosovës dhe luftëtarët. Në tekst përmenden gjithashtu padrejtësia, gjyqet dhe kundërshtimi ndaj asaj që Shaqiri e përshkruan si njollosje të luftës.

Ndër vargjet e këngës është edhe refreni: “S’ka as ditë të mbarë pa u kthy n’atdhe trimat çlirimtarë”. Titulli i projektit përsëritet në pjesën ku thuhet: “Kosova po thërret, jo në emrin tim”.

Kënga do të jehojë edhe në marshin e 1 tetorit në Prishtinë, i paralajmëruar në mbështetje të krerëve të UÇK-së. Publikimi i projektit në këtë datë e lidh këngën me zhvillimet e ditës dhe me marshin e paralajmëruar.