Përfundon takimi Kurti-Hamza në Kuvend, rezultati mbetet i panjohur

Ka përfunduar takimi në Kuvend ndërmjet kryeministrit Albin Kurti dhe kryetarit të Partisë Demokratike të Kosovës, Bedri Hamza, ndërsa rezultati i bisedës nuk dihet ende.

Takimi është zhvilluar në një kohë kur jashtë Kuvendit janë mbledhur qytetarë që kërkojnë votimin përfundimtar të projektligjit për ndryshimet në ligjin për Dhomat e Specializuara dhe Zyrën e Prokurorit të Specializuar.

Çështja që lidhet me këtë projektligj ka qenë në qendër të kërkesës së protestuesve, ndërsa pas përfundimit të takimit nuk është bërë i ditur ndonjë rezultat i tij.

Kurti është shoqëruar në takim nga ministri i Financave, Hekuran Murati, ndërsa Hamza nga deputeti Rrahman Rama.