Arrestohet 24-vjeçari që furnizonte protestuesit e Tiranës me mjete piroteknike

Policia ka arrestuar në flagrancë një 24-vjeçar, i dyshuar se furnizonte protestuesit e Tiranës me mjete piroteknike. Arrestimi u krye pas zbulimit të një banese në rrugën “Jargavani”, ku magazinoheshin materiale piroteknike të dyshuara si të kontrabanduara.

Gjatë kontrollit në banesë, policia sekuestroi 344 kuti me lëndë piroteknike të llojeve të ndryshme. Vlera e materialeve të sekuestruara është rreth 40 mijë euro.

Rasti lidhet me furnizimin e protestuesve të Tiranës me këto materiale. I riu u arrestua në flagrancë, ndërsa materialet piroteknike u morën si prova në kuadër të veprimeve të policisë.