Përshkallëzohet protesta në Tiranë, përleshje në sheshin “Skënderbej”

Protesta në Tiranë është përshkallëzuar në një përleshje të dhunshme mes protestuesve dhe policisë. Përplasjet janë shënuar në sheshin “Skënderbej”, pas tensioneve të mëhershme në zonën e bulevardit dhe pranë Bashkisë së Tiranës.

Sheshi qendror është kthyer në një skenë përleshjesh, ndërsa protestuesit janë përballur drejtpërdrejt me efektivët e policisë. Situata ka kaluar në një fazë më të tensionuar gjatë zhvillimit të protestës.

Në përshkrimin e ngjarjes thuhet se protestuesit kanë hedhur gurë dhe tulla në drejtim të policëve, ndërsa policia ka përdorur gaz lotsjellës dhe plumba gome. Përplasjet vazhdojnë në qendër të Tiranës.