Përparim Rama e quan VV-në “një lloj sekti”

Kryetari i Prishtinës, Përparim Rama, ka lëshuar akuza të forta ndaj Lëvizjes Vetëvendosje dhe qeverisë qendrore. Ai e ka cilësuar subjektin e drejtuar nga Albin Kurti jo si parti politike, por si “një lloj sekti”.

Sipas Ramës, Vetëvendosje përdor frikësimin dhe shantazhin për të bllokuar projektet madhore të kryeqytetit. Ai e lidhi këtë qasje me pengesat që, sipas tij, po i paraqiten zhvillimit të projekteve të Prishtinës.

Rama i bëri këto deklarata në kuadër të kritikave të tij ndaj pushtetit qendror, duke e akuzuar atë për veprime që, sipas tij, pengojnë punën e institucioneve të kryeqytetit.