Presioni i ujit nga autoboti rrëzon protestuesin në Tiranë

Presioni i madh i ujit nga një autobot ka rrëzuar përtokë një protestues në Tiranë, në një moment të tensionuar gjatë protestave para Kryeministrisë.

Pas disa ditësh qetësi në sheshin qendror të Tiranës, protestat janë rikthyer dhe janë shoqëruar me përplasje. Pamjet tregojnë momentin kur autoboti i ujit përplas protestuesin, i cili bie në tokë nga presioni i fuqishëm.

Policia shqiptare u është përgjigjur protestuesve me plumba gome dhe me autobotë uji. Në informacionin e deritanishëm nuk jepen detaje të tjera për gjendjen e protestuesit apo për persona të tjerë të prekur nga përplasjet.