Protestuesi lëndohet rëndë në sy gjatë protestës në Tiranë

Një protestues ka pësuar lëndim të rëndë në sy gjatë protestës së sotme në Tiranë, e cila është shoqëruar me tensione dhe përplasje mes pjesëmarrësve dhe Policisë.

I lënduari është drejtues i “Tifozave Kuq e Zi”, tifogrupit të njohur të Kombëtares Shqiptare. Dyshohet se ai është goditur në sy me plumb gome nga një pjesëtar i Policisë së Shqipërisë.

Protestat në Tiranë janë zhvilluar kundër qeverisë së kryeministrit Edi Rama dhe gjatë tyre janë raportuar përplasje mes protestuesve dhe forcave të Policisë. Lëndimi i drejtuesit të tifogrupit ka ndodhur në kuadër të këtyre përplasjeve.