Bojkotohet mësimi në shkollën “Mehmet Gjevori” për mungesë ngrohjeje

Shkolla “Mehmet Gjevori” në Prishtinë ka vendosur të bojkotojë procesin mësimor, pasi problemet me higjienën dhe mungesa e ngrohjes kanë rënduar kushtet në objektin shkollor.

Sipas njoftimit të përfaqësueses së Këshillit të Prindërve, vendimi u mor pas një votimi me përfaqësuesit e prindërve, ku shumica u deklaruan pro bojkotimit të mësimit.

Prindërit po kërkojnë ndërhyrje urgjente nga institucionet përgjegjëse dhe krijimin e kushteve elementare për zhvillimin normal të procesit mësimor. Problemet higjienike lidhen me grevën disa javore të punëtorëve teknikë, ndërsa sistemi i ngrohjes nuk funksionon.