182 milionë euro import energjie për 9 muaj, Bajrami: do ta paguajnë qytetarët

Kosova ka importuar energji në vlerë prej 182 milionë eurosh gjatë muajve janar-shtator 2026, ndërsa deputetja e LDK-së, Hykmete Bajrami, tha se kostoja mund të paguhet drejtpërdrejt nga qytetarët përmes faturave të energjisë.

“Po përballemi me import të lartë”, tha Bajrami në emisionin “Pressing”, duke iu referuar shifrave të Doganës. Sipas saj, në të njëjtën periudhë të vitit të kaluar, importi i energjisë kishte arritur në 259 milionë euro.

Bajrami e lidhi situatën me mënyrën e qeverisjes në sektorin e energjisë dhe tha se importi i energjisë elektrike është i papërballueshëm. “Do t’i paguajmë direkt nga xhepat, do të inkorporohen në fatura”, u shpreh ajo.