Byzylyku elektronik çon hetuesit te i dyshuari për vrasjen e Sonia Bellinës

Të dhënat e një byzylyku elektronik mund t’i kenë çuar hetuesit francezë te i dyshuari për vrasjen e influencers Sonia Bellina. Pajisja lidhet me një 32-vjeçar, i cili ishte i detyruar ta mbante pas një dënimi për dhunë ndaj ish-partneres.

Sipas raportimeve të mediave franceze, të dhënat e byzylykut tregojnë se 32-vjeçari ndodhej pranë vreshtave të Saint-Gilles natën kur 29-vjeçarja humbi jetën.

Për hetuesit, kjo pajisje mund të jetë kthyer në provën kyçe që e lidhi 32-vjeçarin me rastin. Ai përmendet si i dyshuar për vrasjen e Sonia Bellinës, ndërsa të dhënat e byzylykut paraqesin gjurmën kryesore të identifikuar në këtë zhvillim të hetimit.