E-maili dhe kombi me targa serbe, Haradinaj paralajmëron video

Një e-mail dhe një kombi me targa serbe janë bërë pjesë e publikimit të Daut Haradinajt, i cili ka paralajmëruar edhe një video lidhur me riparimin e disa trenave në Serbi.

Zyrtari i Aleancës ka publikuar një e-mail që, sipas tij, lidhet me komentet publike të punëtorit të Trainkos, Asdren Ademi, për riparimin e disa trenave në Serbi. Në këtë e-mail, kryeshefi ekzekutiv i Trainkos, Agron Statovci, i shkruan një zyrtari tjetër të kompanisë lidhur me deklaratat e Ademit.

Haradinaj ka thënë se ekzistojnë shumë dëshmi që, sipas tij, vërtetojnë se një veprim i tillë ka ndodhur. Ai ka pretenduar gjithashtu se kryeshefi i Trainkos e ka mohuar fillimisht këtë çështje, duke besuar se faktet nuk do të bëheshin publike.