Rama ndjek protestën nga zyra dhe thotë se po refuzohet dialogu

Kryeministri i Shqipërisë, Edi Rama, ka reaguar pas protestës së pedagogëve dhe studentëve në Kryeministri, të cilët, sipas reagimit të tij, po refuzojnë dialogun me qeverinë. Rama e ka ndjekur protestën nga zyra dhe ka komentuar zhvillimet përmes një postimi në rrjetet sociale.

Rama ka deklaruar se është i gatshëm të zhvillojë dialog me protestuesit, së bashku me qeverinë. Ai ka thënë se deri tani protestuesit kanë kërkuar dorëheqje dhe kanë kundërshtuar dialogun.

“Tani, kush do dialog, unë jam në dispozicion së bashku me qeverinë”, ka shkruar Rama, duke renditur edhe thirrjet “Dorëheqje!”, “Poshtë diktatura!”, “Poshtë komunizmi!” dhe “S’duam dialog!”.