Në ekran si “viktimë”, më pas shfaqet me Rolex në Prizren

Vetëm pak kohë pas paraqitjes së tij në një emision televiziv, ku u prezantua si person që pretendon se është viktimë e fajdes, Halim Kerzi është shfaqur në një video të publikuar në Snapchat duke vozitur nëpër Prizren.

Në pamjet e publikuara, Kerzi shihet duke bërë xhiro me veturë në qytet. Në sfond dëgjohet muzikë me mesazhe për mungesë frike, lëvizje të lirë dhe besimin se njeriu i druhet vetëm Zotit.

Detaji që bie në sy është ora luksoze Rolex, e cila shfaqet sërish në dorën e tij. Ora nuk shihej gjatë intervistës televizive, ndërsa në videon e re ajo është e dukshme teksa Kerzi vozit nëpër Prizren.

Videoja sjell kështu një pamje tjetër të tij pas rrëfimit televiziv, pa dhënë vetvetiu shpjegim për dallimin mes paraqitjes në intervistë dhe pamjeve të publikuara në Snapchat.