Identifikohen mbetjet mortore të dy personave, nuk janë nga gërmimet në veri

Janë identifikuar mbetjet mortore të dy personave, ka bërë të ditur Kushtrim Gara nga Komisioni Qeveritar për Personat e Zhdukur. Ai ka sqaruar se mbetjet nuk i përkasin “Grupit të Intelektualëve”, për të cilin së fundmi janë zhvilluar gërmime në Zubin-Potok.

Sipas deklarimit të Garës për RTK-në, mbetjet e identifikuara janë gjetur në një lokacion tjetër dhe nuk kanë të bëjnë me gërmimet e zhvilluara në veri.

Kryesuesi i Komisionit Qeveritar për të Zhdukurit, Agron Limani, ka thënë se njëri prej personave është nga Klina, ndërsa tjetri nga Istogu.

Limani ka deklaruar se për identifikimin e tyre është pritur prej muajsh. Detaje të tjera për identitetin e personave dhe lokacionin ku janë gjetur mbetjet nuk janë bërë të ditura.