Kamerat kapën momentin kur Muriqi paralajmëroi golin ndaj Lyonit

Vedat Muriqi ishte një nga protagonistët kryesorë të kualifikimit të Fenerbahçes në Ligën e Kampionëve, duke shënuar në fitoren 2:1 ndaj Lyonit. Pas ndeshjes, kamerat zbuluan një detaj interesant nga momentet para fillimit të takimit.

Muriqi shihet duke biseduar me Oğuz Aydınin dhe duke i treguar mënyrën se si dëshironte t’i vinte topi në zonë. Pikërisht kjo skemë u realizua në minutën e 24-të, kur Aydıni harkoi në zonë.

Muriqi goditi fillimisht me kokë, por portieri e priti tentimin e tij. Sulmuesi reagoi menjëherë dhe e dërgoi topin në rrjetë, duke shënuar një gol të rëndësishëm për ekipin turk. Fenerbahçe e siguroi kualifikimin me rezultat të përgjithshëm 3:2 dhe u rikthye në Ligën e Kampionëve pas 17 sezonesh.