Kroacia arreston një të dyshuar në Pula për sabotim të Nord Stream

Kroacia arreston në Pula shtetasin ukrainas Vladimir Z., i dyshuar për përfshirje në sabotimin e gazsjellësve Nord Stream. Arrestimi u krye në bazë të një urdhër-arresti evropian të lëshuar nga autoritetet gjermane.

Sipas Zyrës së Prokurorit Federal në Karlsruhe, operacioni u realizua nga Departamenti i Policisë së Pulës në koordinim me Drejtorinë e Policisë së Zagrebit.

Sipas urdhrit të arrestit, Vladimir Z. dyshohet se, së bashku me persona të tjerë, ka marrë pjesë në operacionin që çoi në shpërthimin dhe dëmtimin e tubacioneve Nord Stream në shtator të vitit 2022. Autoritetet gjermane e dyshojnë për sabotim dhe shkatërrim të një objekti infrastrukturor.

Hetimet ndërkombëtare lidhur me shpërthimet e Nord Stream vazhdojnë, ndërsa arrestimi në Pula është një zhvillim i ri në drejtim të bashkëpunimit mes autoriteteve kroate dhe gjermane për këtë rast.