Mërgimtari përballet me akuza për mashtrim pas përfitimeve në Austri

Një 38-vjeçar, shtetas i Kosovës, po përballet me akuza për mashtrim në Austri, pasi dyshohet se ka marrë përfitime papunësie për gati gjashtë vjet, pavarësisht se ka jetuar shumicën e kohës jashtë vendit.

Sipas rastit të paraqitur në Gjykatën Rajonale të Korneuburgut, përfitimet janë marrë nga Shërbimi Publik Austriak i Punësimit, AMS, në Mistelbach. Shuma e përmendur në rast është mbi 10 mijë euro.

Dyshohet se 38-vjeçari nuk i ka deklaruar qëndrimet jashtë vendit gjatë kohës kur ka përfituar nga skema e papunësisë. Sipas rregullave të AMS-së, personat që marrin këto përfitime duhet të raportojnë çdo dalje dhe qëndrim jashtë vendit.