Mjete piroteknike drejt objekteve shtetërore, shoqërohet një protestues

Një protestues është shoqëruar në stacion policor pasi dyshohet se ka poseduar dhe ka hedhur mjete piroteknike në drejtim të objekteve shtetërore gjatë protestës para Kuvendit, njoftoi Policia e Kosovës.

Sipas Policisë, gjatë protestës janë hedhur edhe mjete të ndryshme dhe mjete piroteknike në drejtim të objekteve shtetërore. Protestuesit, në raste të caktuara, kanë tentuar të futen brenda rrethojave të Kuvendit.

Policia ka bërë të ditur se personi i shoqëruar dyshohet për posedim dhe hedhje të mjeteve piroteknike. Njoftimi lidhet me zhvillimet gjatë protestës së mbajtur para Kuvendit.