Në Oslo nis “Ora e Pritjes” para vendimit në Hagë

“Ora e Pritjes” ka nisur edhe në Oslo të Norvegjisë, ku mërgata shqiptare po shpreh mbështetje për Hashim Thaçin, Kadri Veselin, Jakup Krasniqin dhe Rexhep Selimin, në prag të vendimit përfundimtar që pritet të merret në Hagë më 16 shtator.

Aktiviteti është organizuar nga përfaqësues politikë, veprimtarë, aktivistë dhe pjesëtarë të komunitetit shqiptar në Norvegji. Sipas organizatorëve, nisma synon të përcjellë mesazhin për drejtësi dhe solidaritet me ish-krerët e Ushtrisë Çlirimtare të Kosovës.

Numërimi mbrapsht në Oslo zhvillohet në kuadër të aktiviteteve të mërgatës para datës së pritshme të vendimit në Hagë. Veprimtaria i kushtohet mbështetjes për katër ish-krerët e UÇK-së dhe kërkesës për drejtësi.