Peci paralajmëron padi ndaj Krasniqit pas deklaratës për arrestime

Kryetari i Mitrovicës së Jugut, Faton Peci, ka paralajmëruar padi për shpifje ndaj Dardan Krasniqit, pas deklaratës së këtij të fundit se pritet arrestimi i dy kryetarëve të komunave, ku mund të jetë edhe Peci.

Peci reagoi përmes një videoje, duke i cilësuar deklaratat e Krasniqit si shpifje. Ai tha se këto deklarata po shqetësojnë familjen dhe njerëzit e afërt të tij.

Në reagimin e tij, Peci iu drejtua ashpër Krasniqit dhe njoftoi se nga tani do ta ndjekë me padi për shpifje. Deklarata e Krasniqit për arrestimet u paraqit si një pretendim i tij, ndërsa nuk u dha ndonjë detaj tjetër për personin e dytë që mund të përfshihej.