Protesta në Tiranë përshkallëzohet në dhunë, ambasada jep paralajmërimin

Protesta e zhvilluar në Rrugën e Durrësit, pranë Sheshit Skënderbej në Tiranë, është përshkallëzuar në dhunë pas hedhjes së gurëve. Ambasada Amerikane në Tiranë ka reaguar duke paralajmëruar qytetarët për situatën dhe duke u kërkuar të shmangin demonstratat.

Sipas njoftimit të ambasadës, protesta mund të shtrihet edhe në rrugët përreth dhe pranë godinave qeveritare. Një zhvillim i tillë mund të sjellë shtim të pranisë policore, bllokim të rrugëve dhe devijime të trafikut në zonat përreth.

Ambasada u ka bërë thirrje qytetarëve të tregojnë kujdes për sigurinë personale dhe të ndjekin udhëzimet e autoriteteve vendore. Në njoftim theksohet se protesta ishte në zhvillim dhe se situata ishte përshkallëzuar në dhunë.