Protesta në Tiranë zgjat mbi pesë orë, raportohet për 23 arrestime

Protesta studentore në Tiranë ka zgjatur mbi pesë orë, ndërsa raportohet për 23 arrestime, disa policë dhe një gazetare të lënduar. Studentët e kanë mbajtur tubimin para Ministrisë së Arsimit.

Tensionet kanë nisur menjëherë pas fillimit të protestës. Protestuesit kanë gjuajtur me vezë dhe kanë lyer me sprej muret e godinës.

Tubimi i së martës është zhvilluar në një atmosferë të tensionuar, me përplasje dhe pasoja të raportuara për protestuesit, policinë dhe një gazetare.