Protesta përshkallëzohet në Tiranë, i vihet flaka Ministrisë së Drejtësisë

Protesta në Tiranë është përshkallëzuar mbrëmjen e së mërkurës, pasi protestuesit e zhvendosën marshimin nga Kryeministria dhe Bulevardi drejt Ministrisë së Drejtësisë. Godina e kësaj ministrie u sulmua, xhamat u thyen dhe protestuesit i vunë flakën.

Pas incidenteve të regjistruara në disa zona të kryeqytetit, situata u tensionua më tej. Protestuesit vazhduan me akte dhune, ndërsa u përballën me ndërhyrjen e forcave të Policisë.

Ngjarja shënon një përshkallëzim të protestës në kryeqytetin shqiptar, ku marshimi u zhvendos nga zona pranë Kryeministrisë dhe Bulevardit drejt një institucioni shtetëror.