Rama akuzon Qeverinë se po tenton ta bllokojë Tulltoren

Kryetari i Prishtinës, Përparim Rama, ka akuzuar Qeverinë se po tenton ta bllokojë projektin e Tulltores, duke e krahasuar këtë veprim me një rast të mëparshëm që lidhej me pronën komunale të dhënë në shfrytëzim për Universitetin e Prishtinës “Hasan Prishtina”.

Sipas Ramës, Qeveria po përdor mekanizma institucionalë për të penguar projektet e Komunës së Prishtinës. Ai e ka paraqitur çështjen e Tulltores si një rast të ngjashëm me përplasjen e mëparshme rreth pronës komunale.

Rama ka thënë se Ministria e Administrimit të Pushtetit Lokal kishte kërkuar anulimin e vendimit të Kuvendit të Kryeqytetit për dhënien në shfrytëzim të pronës për Universitetin e Prishtinës “Hasan Prishtina”.