Raportohet se Rama përgatit listë të zezë për protestuesit e dhunshëm

Raportohet se kryeministri i Shqipërisë, Edi Rama, po përgatit një “listë të zezë” për protestuesit e dhunshëm, pas protestave që kanë përfshirë Tiranën dhe disa qytete të tjera të vendit.

Rama pritet të prezantojë një paketë masash në përgjigje të akteve të dhunshme gjatë protestave. Sipas raportimit, në listë synohet të përfshihen personat që kryejnë akte dhune.

Qëllimi i masës së synuar është t’u ndalohet këtyre personave hyrja në vendet e Bashkimit Evropian. Raportimi nuk jep detaje të tjera për mënyrën se si do të zbatohej kjo masë.