Rrahje mes katër personave në Fushë Kosovë, policia gjen marihuanë

Një konflikt verbal dyshohet se ka eskaluar në përleshje fizike mes katër personave në Fushë Kosovë, duke aktivizuar Policinë në orët e para të së mërkurës.

Në këtë rast janë përfshirë Leurita Millaku, Liridon Bajrami, Ismail Bajrami dhe Aurora Bala. Të katër janë trajtuar nga Policia në cilësinë e personave të dyshuar.

Gjatë trajtimit të rastit, zyrtarët policorë i kanë gjetur marihuanë njërës prej të dyshuarave. Ngjarja dhe rrethanat e përleshjes janë bërë të ditura në raportimin fillestar për rastin.