Studentja e parë amerikane nis masterin në Fakultetin Juridik të UP-së

Virginia Hugo-Vidal ka nisur studimet master në Fakultetin Juridik të Universitetit të Prishtinës, në një zhvillim të veçantë për ndërkombëtarizimin e këtij fakulteti.

Studentja amerikane është regjistruar në programin në gjuhën angleze “Të Drejtat e Njeriut, E Drejta Ndërkombëtare Penale dhe Drejtësia Tranzicionale”. Ajo është studentja e parë me shtetësi amerikane që ndjek studimet e rregullta në Fakultetin Juridik të UP-së.

Sipas njoftimit të Fakultetit Juridik, më 7 tetor 2026 Hugo-Vidal është pritur në një takim mirëseardhjeje nga dekani, prof. Avni Puka. Programi, që nga viti akademik 2023/2024, ka përfshirë vazhdimisht studentë dhe profesorë ndërkombëtarë.